سوال:کیا یه بات درست هے که رزق عورت کے نصیب سے ملتا هے اور اولاد مرد کے نصیب سے؟ کیا احادیث میں اس سے متعلق کچھ بات آئی هے؟ اور یه بات کهنا ٹھیک هے یا نهیں؟
الجواب وبالله التوفيق: اولاد میاں بیوی دونوں هی کا نصیب هوتا هے، ارشادِ باری تعالی هے: يَخْلُقُ مَا يَشَاءُ يَهَبُ لِمَنْ يَشَاءُ إِنَاثاً وَيَهَبُ لِمَنْ يَشَاءُ الذُّكُورَ (الشورى: 49)
ترجمه: الله جو چاهتا هے پیدا کرتا هے، جس کو چاهتا هے بیٹیاں دیتا هے اور جس کو چاهتا هے بیٹے دیتا هے، اور جس کو چاهتا هے بیٹے اور بیٹیاں دونوں دیتا هے۔
نیز رزق هر ایک کا علیحده علیحده مخصوص و متعین هے، چناچه الله تعالی نے قرآنِ کریم میں ارشاد فرمایا: وَ مَا مِنْ دَآبَّةٍ فِی الْاَرْضِ اِلَّا عَلَى اللّٰهِ رِزْقُهَا وَ یَعْلَمُ مُسْتَقَرَّهَا وَ مُسْتَوْدَعَهَا كُلٌّ فِیْ كِتٰبٍ مُّبِیْنٍ(هود: 12)
ترجمه: زمین پر چلنے پھرنے والے جتنے جان دار هیں سب کی روزیاں الله تعالٰی پر هیں، وهی ان کے رهنے سهنے کی جگه کو جانتا هے اور ان کے سونپے جانے کی جگه کو بھی، سب کچھ واضح کتاب میں موجود هے۔
بخاری شریف کی حدیث کا مفهوم هے که جب بچه چاره ماه کا هوتا هے تو الله رب العزت فرشته کو بھیجتا هے اور اس کا رزق لکھواتا هے، گویا اس کا رزق پهلے سے هی مختص کر دیا جاتا هے جس میں کوئی کمی بیشی نهیں هو سکتی ۔لهذا مذکوره جملے کی کوئی اصل نهیں ۔ فقط والله اعلم